Messi ka lënë prapa dëmtimin, do të luajë të martën kundër Borussia Dortmundit në Champions League.
Barcelona, përmes një njoftimi në rrjetin social “Twitter”, ka konfirmuar se Lionel Messit i është dhënë drita e gjelbër për të luajtur dhe se është gati për të bërë paraqitjen e parë për sezonin 2019/20.
32-vjeçari pritet që të luajë nga minuta e parë të martën kundër Borussia Dortmundit, transmeton Gazeta Express.
“Leo Messi dhe Neto janë të gatshëm për Barcelonën”, ka shkruar klubi katalunas në “Twitter”.
Në mesin e 22 lojtarëve të ftuar për ndeshjen e nesërme, përveç Lionel Messit, është sërish talenti 16-vjeçar, Ansu Fati.
