Zëvendëskryeministri në detyrë, Enver Hoxhaj ka shkruar në Facebook se 11 shtatori në botë njihet si ditë e dhimbjes.
“11 shtatori kujtohet në botë si ditë e dhimbjes por edhe ditë e kthesës. Humbja e jetëve të pafajshme me 11 shtator bashkoi tërë botën në luftën kundër të keqës globale”, tha Hoxhaj.
Ai ka shtuar se populli I Kosovës është dhe do të jetë gjithmonë përkrahës I popullit amerikan.
“Ajo ditë, dëshmoi se themeli i lirisë, paqes dhe sigurisë globale është çdo herë e më i palëkundur kur popujt bashkohen për të mirën e përgjithshme.
Populli i Kosovës ka qenë dhe do të jetë gjithmonë përkrah popullit mik amerikan”, ka shkruar Hoxhaj./InLajmi/
