Ditën kur dilemat politike u shuan për momentin me krijimin e Qeverisë së re bashkë me Partinë Demokratike, Lëvizja 5 Yje, në Itali, po përballon një tjetër skandal.
Ciro, djali 19-vjeçar i themeluesit të Lëvizjes… si dhe komikut të famshëm Beppe Grillo, u akuzua orët e fundit për një akuzë të rëndë, përdhunimi në grup i një vajze bashkë me disa shokë, në vilën në pronësi të familjes në Sardenja.
Akuzuesja është një modele me origjinë skandinave, moshatare me të rinjtë, dhe ngjarja sipas saj ka ndodhur në fund të një nate ku është konsumuar shumë alkool.
Katër të rinjtë e akuzuar janë marrë në pyetje nga forcat e rendit, si edhe janë sekuestruar celularët e tyre ku ndodhet një video , ku edhe është filmuar dhuna e kryer, sipas avokatëve mbrojtës ka prova që akti seksual është kryer me konsensus.
Sipas tyre, ka elementë të tjerë të çuditshëm denoncimi u krye një javë më vonë, ndërkohë që vajza vazhdoi pushimet e saj, duke hedhur fotografi në rrjetet sociale.
