Trajneri i Kombëtares së Anglisë, Gareth Southgate, para ndeshjes me Kosovën ka kërkuar kujdes të shtuar nga skuadra e tij.
Sipas Southgate, ka lavdruar Kombëtaren e Kosovës në futboll duke thënë se Kosova është një shembull i mrekullueshëm, një shtet i ri dhe shumë krenar që kanë disa futbollist të mirë.
“Ne duhet të jemi të vetëdijshëm. Kosova është një shembull i mrekullueshëm, njerëzit nuk dinë shumë për ta, por ata janë të pamposhtur që moti”, ka thënë Southgate.
“Ata janë një shtet i ri dhe shumë krenar që kanë disa futbollistë tejet të mirë, natyrisht se duhet të kemi kujdes ndaj tyre dhe të luajë lojën tonë”.
Kosova më 10 shtator takohet me Anglinë në Southampton, në ndeshjen kualifikuese për Euro 2020./InLajmi/
